āśrayāsiddha(hetvābhāsa) NPra 3.2.1.1: dravyam ākāśaṃ guṇāśrayatvād ity ākāśāsattvavādinaṃ praty āśrayāsiddhaḥ // TSop 3.11: āśrayāsiddhyāpy asiddhaḥ / yathā sarvagata ātmā sarvatropalabhyamānaguṇatvād ākāśavat / sarvatropalabhyamānaguṇāḥ sukhādayo yasya tadbhāvas tattvam / tasmād yady ayam ātmā sarvagato na bhavet / kathaṃ dakṣiṇāpatha upalabdhāḥ sukhādayo madhyadeśa upalabhyante / ākāśavad iti dṛṣṭānte ākāśasya guṇaḥ śabdaḥ / sa ca yathā vikāriṇi puruṣa upalabhyate tathānyatrāpīti / syād eṣa hetur yadi bauddhasya sarvatropalabhyamānaguṇatvam ātmanaḥ siddhṃ syāt / yāvad ātmaiva na siddhaḥ // |