ubhayapakṣaikadeśavṛtti (anaikāṇtikahetvābhāsa) NPra 3. 2. 2. 5: ubhayapakṣaikadeśavṛttir yathā / nityaḥ śabdo 'mūrtatvāt / nityaḥ pakṣaḥ / asyākāśaparamāṇvādiḥ sapakṣaḥ / tatraikadeśa ākāśādau vidyate 'mūrtatvaṃ paramāṇvādau / nityaḥ pakṣaḥ / asya ghaṭasukhādir vipakṣaḥ / tatrikadeśe sukhādau vidyate 'mūrtatvaṃ na ghaṭādau / tasmād etad api sukhākāśasādharmyeṇānaikāntikam // HTU 41: ubhayapakṣaikadeśavṛttir anaikāntiko yathā / śabde dharmiṇi nityatve sādhye 'mūrtatvād iti hetuḥ / paramāṇvākāśādiḥ sapakṣo 'sya / tatraikadeśe 'mūrtatvam ākāśe pravartate na paramāṇau mūrtatvāt paramāṇūnam / ghaṭasukhādir anityo vipakṣaḥ / tatraikadeśe sukhādau vidyate na ghaṭādau // TSop 3.12: nityaḥ śabdo 'sparśatvāt paraśuvat / asparśatvaṃ hi vipakṣaikadeśe buddhyādau sapakṣaikadeśe cākāśādau vartata ity ubhayapakṣaikadeśavṛttiḥ / evaṃ caturvidhaḥ sādhāraṇānaikāntiko nirdiṣṭaḥ // |